Биыл «Қайсар» футбол клубының бюджеті 1 млрд 200 мың теңге болып бекітілген. Ал «Қайсардың» мойнындағы қарыз көлемі – 700 млн теңге.  Қызылорда облысының дене шынықтыру, спорт және туризм басқармасының басшысы Бахтияр Артаев биыл бұл қарыздың тең жартысын жабу межесі тұрғанын жеткізді. Оған қоса, биыл легионерсіз ойнау «Қайсарға» қиын болуы мүмкін.

– Мен бұған дейін де айттым, қазір де пікірім осылай. Оңай болмайды. Бірақ ауылдық жерлерде қанша мықты балалар бар. Біз оларға мүмкіндік беруіміз керек. Алдағы уақытта бұл бастамамыз жемісін береді деп ойлаймын, – деді Бахтияр Ғарифоллаұлы.

Ал «Қайсардың» қарызын өтеудің тиімді тетіктері туралы Талғат Әбдіғаппарұлы жеткізді.

– Біз сол 700 млн теңге қарызды демеушілер арқылы жабуды қолға алдық. Қазіргі таңда демеушілердің 40 пайызы құжатқа қол қойды. Одан бөлек, алаңды жалға беру тәрізді қосымша кіріс көздерінің бәрін осы қарызды жабуға жұмылдырамыз, – деді ол.

Дәулет ҚЫРДАН,
Сурет «Қайсар» футбол клубының ресми парақшасынан.