№10 кітапхана 23 сәуір – Ұлттық кітап күні аясында «Өркениетке кітаппен» атты «әдеби автобус» жобасын жүзеге асырды. Аталған шара №29 бағыттағы қалалық автобус ішінде ұйымдастырылып, жолаушыларға ерекше форматта рухани-мәдени қызмет көрсетілді. Автобус іші мерекелік безендіріліп, кітап туралы нақыл сөздер мен шарлар ілінді.

Іс-шараның мақсаты – тұрғындар арасында кітап оқуды насихаттау, кітаптың қоғамдағы рөлін арттыру, жастардың рухани дамуына ықпал ету және кітапханаға деген қызығушылықты ояту.

Кітапхананың тұрақты оқырмандары Шүкір Айару, Боранбай Ақбота, Талғатқызы Элмира, Әли Айару, Әшім Арайлым, Нарбай Әнел, Айтмағанбет Бейрабыс, Алмағанбет Ақжол, Нұржан Сезім белгілі ақындардың өлеңдерін жатқа, мәнерлеп оқыды. Сонымен қатар Айтмағанбет Досымжан өз өнерін тарту етті.

Шара барысында жолаушылар ерекше қызығушылық танытып, белсенді түрде қатысып, сұрақтарға жауап беріп, рухани әсер алды. Белсенді қатысушыларға сыйлықтар табысталды.

«Өркениетке кітаппен» атты әдеби автобус акциясы өз мақсатына жетіп, тұрғындардың кітапқа деген қызығушылығын арттыруға оң ықпал етті.

#ҰлттықКітапКүні2026

#НациональныйДеньКниги2026