№3 кітапхана 23 сәуір – Ұлттық кітап күніне орай «Кітап оқы – жетістікке қадам бас» атты кітапханаға саяхат ұйымдастырды.

Шараның мақсаты – оқырмандардың кітап оқуға деген қызығушылығын арттыру, рухани-мәдени құндылықтарды насихаттау.

Шара барысында қатысушылар кітапхананың бөлімдерімен танысып, кітап қоры, жаңа әдебиеттер мен цифрлық ресурстар туралы жан-жақты мәлімет алды. Сонымен қатар, кітаптың адам өміріндегі маңызы, оның білім мен жетістікке жетудегі рөлі кеңінен түсіндірілді.

Қатысушылар белсенділік танытып, өз ойларымен бөлісіп, көкейлеріндегі сұрақтарға жауап алды. Кітап оқудың пайдасы жөнінде пікір алмасу ұйымдастырылып, оқуға ұсынылатын әдебиеттер тізімі ұсынылды.

Аталған шара оқырмандардың кітапқа деген сүйіспеншілігін арттырып, олардың бос уақытын тиімді әрі мазмұнды өткізуіне ықпал етті.

Шара соңында Ә.Молдағұлова атындағы №173 орта мектеп пен Ы.Алтынсарин атындағы мектеп-лицейдің оқушылары кітапқа арналған өлеңдер оқып, «Кітапхана» әніне би билеп, мерекелік кештің көркін аша түсті.

#ҰлттықКітапКүні2026

#НациональныйДеньКниги2026