Медициналық қызмет сапасына сын айтатындар күн санап өсуде. Қызылордалық Ерсұлтан Нағашыбекұлы әкесінің денсаулығына алаңдап, өңірдегі ақ халаттылардың емделушінің жағдайына бей-жай қарайтынына наразы. Ол «Alexey Sultan Akhmet» ЖШС медициналық мекемесінің қызметкерлерінің науқасқа атүсті қарайтынын жеткізді.

«Менің әкем Жолдасбаев Нағашыбек – «Alexey Sultan Akhmet» ЖШС медициналық мекемесінің қаралушысы. Бірақ бұл мекеменің қызметі бізді алаңдатуда. Әкем бір ай бұрын невропатологқа қаралу үшін кезекке тұрды. Бірақ кезегі келген күні барып еді, дәрігер еңбек демалысына шығып кеткенін айтып, қабылдаудан бас тартты. Бұл жағдай алдын-ала хабарланбады. Ал менің әкемнің денсаулығы күннен-күнге нашарлап барады. Сонда ем алғысы келген науқастар осылайша күтумен, ауырған күйі жүре беруі керек пе?», – дейді ол.

(Сурет Ерсұлтан Нағашыбекұлынан алынды)