«Strong man» күштік спорт түрлерінен Шымкент қаласында өткен ашық турнирде бақ сынаған жерлесіміз Өтеген Бейбіт жеңіспен оралды. Ақпарат талдау орталығының Жалағаш ауданы бойынша маманы болып еңбек ететін ол сайыс нәтижесінде Қазақстан бойынша үздік төрттікке енді.
Алтай мен Атырау арасындағы тұтас қазақ жерінен сайыпқырандар сайысқа түскен дүбірлі додада Өтеген Бейбіт зілтемір көтеру бойынша қоссайыстан ІІ орынды еншіледі. 200-ге жуық спортшы қатысқан бәсекеде жерлесіміз штанга көтерудің классикалық және экстримальды түрінен ерлер арасында топ жарған. Ол 75 келі салмақта сынға түсті.
«Қырдан-ақпарат»