1 наурыздан бастап ҚТЖ пойыздарында жол жүру ақысы көтерілетіні белгілі болды, – деп хабарлайды Tengritravel.kz.
Ұлттық тасымалдаушы көктемнен бастап билет бағасы 7 пайызға қымбаттайтынын мәлімдеді. “Жолаушылар тасымалы” мәліметінше, жол жүру құнының өзгеруі “Теміржол көлігі туралы” заңның 12-тарауы 94-бабы 2-тармағына сәйкес келеді.
“Жолаушылар тасымалы” 2025 жылғы 1 наурыздан бастап барлық әлеуметтік маңызы бар облысаралық бағыттарға және кейбір қала маңы пойыздарына билет бағасының шекті деңгейінің (тарифінің) өзгеретіні туралы хабарлайды. Бұл тасымалдаушының жолаушыларды әлеуметтік маңызы бар бағыттарда тасымалдауға байланысты шығындарын ұзақ мерзімді субсидиялау шарттарына сәйкес 7 пайыздық жоспарлы индекстеуге негізделген”, – деп мәлімдеді компания өкілдері.
Сурет massaget.kz