Қызылорда облысы полиция департаментінде қызметкерлер арасында ұйымшылдықты арттыру, психологиялық ахуалды жақсарту және ұжымдық байланысты нығайту мақсатында тимбилдинг шарасы өткізілді.
Пейнтбол алаңында өткен іс-шара департамент психологтарының ұйымдастыруымен жүзеге асты. Шара барысында қатысушылар командалық ойындарға қатысып, ептілік пен шапшаңдықтарын сынады.
Тимбилдинг кезінде әріптестер арасында өзара қолдау мен сенім атмосферасы қалыптасып, командалық рухтың маңызы айқын көрініс тапты. Қызықты әрі белсенді форматта өткен шара қатысушыларға көтеріңкі көңіл-күй мен жағымды эмоция сыйлады.
Мұндай іс-шаралар қызметкерлердің психологиялық тұрақтылығын арттырып, ұжым ішіндегі ынтымақтастықты күшейтуге ықпал етеді.