Қызылорда қаласындағы базасында жастар арасында есірткіге қарсы бағытталған профилактикалық кездесу ұйымдастырылды. Іс-шараға облыс көлеміндегі 100-ден астам мектеп оқушысы ZOOM платформасы арқылы онлайн форматта қатысты.

«Заң және тәртіп» тұжырымдамасы аясында өткен кездесуде Қызылорда облысы Полиция департаментінің Есірткі қылмысына қарсы іс-қимыл, Ұйымдасқан қылмысқа қарсы күрес, Киберқылмысқа қарсы күрес және Қоғамдық қауіпсіздік басқармаларының қызметкерлері арнайы дәріс оқып, түсіндірме жұмыстарын жүргізді.

Кездесу барысында:

нашақорлықтың адам денсаулығына және қоғамға зияны;
буллинг пен кибербуллингтің алдын алу;
интернет қауіпсіздігі;
лудоманияның зардаптары;
зорлық-зомбылықтың алдын алу мәселелері кеңінен түсіндірілді.

Сонымен қатар, есірткі айналымына қатысқаны үшін қарастырылған заң талаптары мен қылмыстық жауапкершілік туралы жан-жақты ақпарат берілді.

Іс-шара аясында 25 мамыр — Соңғы қоңырау мерекесіне байланысты оқушылар мен мектеп бітіруші түлектерге арналған түсіндірме сабағы ұйымдастырылды. Онда мерекелік күндері қоғамдық тәртіпті сақтау, жол қозғалысы қауіпсіздігі талаптарын орындау жөнінде профилактикалық жұмыстар жүргізілді.

Мұндай кездесулер жастардың құқықтық сауаттылығын арттыруға, зиянды әдеттердің алдын алуға және салауатты өмір салтын қалыптастыруға бағытталған.