Жалағаш ауданында ауыл шаруашылығы саласын жаңа деңгейге көтеретін ауқымды инвестициялық жоба – «HARVEST AGRO» агроиндустриалды кластерінің алғашқы кезеңі іске қосылды.

Жоба аясында алғашқы кезеңде 8,7 мың гектар суармалы жерге жүгері егілсе, екінші кезеңде 32 мың гектар алқапқа жүгері, соя және техникалық қарасора орналастырылады.

Жаңа өндіріс орны жоғары технологиялармен жабдықталып, 140 адамды тұрақты жұмыспен қамтиды. Бұл дегеніңіз екі қолға бір күрек таппай жүрген көптеген адам отбасының нәпақасын осы өндірістен айырады деген сөз.

Қазіргі таңда инфрақұрылымдық жұмыстар қарқынды жүргізілуде. Қараөзек өзенінен суару арналары тартылып, 142 жаңбырлатқыш қондырғы орнатылуда. Бұл су ресурстарын тиімді пайдаланып, үнемдеуге мүмкіндік береді. Су үнемдеудің тиімді тетігі ретінде қарастырылған бұл технология үнеммен бірге өнімділікке де ықпал етеді деп отыр мамандар.

Сонымен қатар, цифрлық жүйелер мен жасанды интеллект элементтері енгізіліп, аграрлық саланы басқарудың жаңа тетіктері қолданылуда. Бұл өз кезегінде жұмыс қолын көп қажет етпейді.

Бұл – өңірдің аграрлық әлеуетін арттырып, өнім өндіру мен өңдеу көлемін ұлғайтуға бағытталған стратегиялық маңызы зор жоба.