Қаракөз ТҰРСЫНХАН,
№44 орта мектептің оқушысы.
Жетекшісі: Ғазиз ҚЫРДАНОВ.
Сырдария ауданы.

Көктемі бар, қысы бар,
Жайдары жаз – жанға жай.
Молшылық күні – күзі бал,
Арайлап атқан таңдар-ай.
Мен өмірді сүйемін.

Өмірді ластап, қорлама,
Есірткі – зиян, қасірет.
Бұл өмір – жалғыз, сол ғана,
Жақсы сүруді нәсіп ет.
Мен өмірді сүйемін.

Тазалық – жанның әдебі,
Есірткіге ермегің.
Өмірдің ғажап мәнері,
Биікке шығып, өрлегің.
Мен өмірді сүйемін.

Жақсымен дос бол, мұратқа,
Өзгеден бұрын жетесің.
Биіктерді құлатқан,
Есірткіге еріп, не етесің?!
Мен өмірді сүйемін.

Ата-анаңның арманы –
Азамат болып, атқа қон.
Қолыңа түсер қалғаны,
Бағыттар бізді баққа күн.
Мен өмірді сүйемін.

Достарым, биік қараңдар,
Жат әдетке бастама.
Бәріңнің ата-анаң бар,
Аттарын оның ластама.
Мен өмірді сүйемін.

Есірткісіз, жамансыз,
Мен өмірді сүйемін.
Бәріміз бірдей адамбыз,
Мақсатымыз бар, білемін.
Тура жолдан тайқымай,
Жақсы өмірді сүремін.