Есірткі мәселесі қазіргі қоғамдағы ең қауіпті әрі өзекті проблемалардың бірі болып отыр. Ол жасына, әлеуметтік жағдайына қарамастан, кез келген адамды өз торына түсіре алады. Есірткіге әуестену бір сәттік қызығушылықтан басталып, кейін адам өмірін толықтай өзгертетін ауыр тәуелділікке айналады. Сондықтан есірткінің зиянын терең түсіну және оған қарсы тұру – әрбір азамат үшін маңызды міндет. Есірткі заттарының адам ағзасына тигізетін зияны өте үлкен. Ол ең алдымен адамның жүйке жүйесіне әсер етіп, ми қызметін әлсіретеді. Есірткіні тұрақты қолданған адам тез шаршайды, ашуланшақ болады, ойлау қабілеті мен есте сақтау мүмкіндігі төмендейді. Уақыт өте келе ағзаның ішкі мүшелері зақымдалып, ауыр әрі созылмалы аурулар пайда болады. Есірткінің ең қауіпті жағы – тәуелділік тудыруы. Адам бір рет есірткі қолданып көргеннен кейін, соны қайтадан іздей бастайды. Тәуелділік күшейген сайын, адам өз еркін жоғалтып, есірткісіз өмір сүре алмайтындай күйге түседі. Бұл жағдай адамның жеке тұлға ретінде әлсіреуіне және өз әрекеттеріне жауап бере алмауына әкеледі. Есірткі текденсаулықты ғана емес, адам өмірінің барлық саласын бұзады. Есірткіге тәуелді адам оқуына, жұмысына, болашағына мән бермейді. Ол жақындарымен қарым-қатынасты үзіп, қоғамнан оқшаулана бастайды. Көп жағдайда есірткіге тәуелділік адамдарды ұрлық, зорлық-зомбылық, заң бұзушылық сияқты қылмыстарға итермелейді. Есірткі мәселесі қоғамүшін де үлкен қауіп төндіреді. Есірткінің таралуы қоғамдағы тәртіптің бұзылуына, қауіпсіздіктің төмендеуіне және әлеуметтік мәселелердің көбеюіне себеп болады. Сондықтан есірткімен күрес тек жеке адамға емес, бүкіл қоғамға ортақ жауапкершілік болып саналады.Есірткінің алдын алу –бұл қауіпті азайтудың ең тиімді жолы. Алдын алу жұмыстары адамдарға есірткінің шынайы зиянын түсіндіруге, оның салдарын нақты мысалдар арқылы көрсетуге бағытталуы тиіс. Әрбір жас есірткінің уақытша ләззат беріп, ақырында өмірді күйрететінін анық түсінуі қажет. Қорытындылай келе, есірткі – адам өмірін баяу, бірақ толықтай жоятын аса қауіпті дерт. Ол денсаулықты әлсіретіп қана қоймай, адамның болашағын, арманын және өмірлік мақсатын жоққа шығарады. Есірткіден бас тарту – өз өмірін қорғау, ал оған қарсы тұру – саналы әрі жауапты қоғамның белгісі. Есірткісіз өмір ғана қауіпсіз арі жарқын болашаққа жол ашады.
#есірткігеқарсы #противнаркотиков

Еркеназ Нұрдосқызы,
№244 Ы. Жақаев атындағы
орта мектебінің 8 «А» сынып оқушысы.
Шиелі ауданы