Я, мен есірткіге қарсы емеспін. Неге? Егер адам өз өміріне немқұрайлы болса, ол өзінің қалауы. «Мен есірткіге қарсы емеспін» деген сөз кейде ойланбай айтылған пікір сияқты көрінуі мүмкін. Бірақ егерде адам баласы есірткінің шын мәнінде не екенін, оның адам өміріне қалай әсер ететінін терең түсінсе, мұндай ойға келмес еді.      Есірткі – бұл бір сәттік қызық үшін адамның денсаулығын, болашағын, арманын, бүкіл өмірін құрбан ету. Ол тек бір адамға ғана емес, оның отбасына, достарына, қоғамға да үлкен зиян тигізеді. Есірткіге тәуелді адам оқуын, жұмысын, отбасымен қарым-қатынасын жоғалтады. Ең қауіптісі – адам өз өмірінің қадірін ұмытады. Жасөспірім шақта әркімнің арманы көп болады: жақсы маман болу, ата-ананы қуанту, елге пайда тигізу. Ал есірткі сол армандардың бәрін жоққа шығарады. Сондықтан менің ойымша, саналы адам есірткіге бейжай қарамай, оған қарсы тұруы керек. Өмір – ең қымбат байлық, оны қорғау әр адамның өз қолында.
#есірткігеқарсы #противнаркотиков

Ұлжан Жұматай,
№182 орта мектептің оқушысы.
Қазалы ауданы