Есірткі – адамзат баласының болашағына төнген ең үлкен қауіптердің бірі. Ол адамның денсаулығын ғана емес, санасын, арманын, өмірге деген құштарлығын да жояды. Сондықтан мен есірткіге қарсымын. Бүгінгі таңда есірткіге тәуелділік жас талғамайды. Ол жасөспірімдердің өміріне байқатпай еніп, олардың болашағына балта шабады. Есірткі қолданған адам өз денсаулығына ғана емес, айналасындағы жақындарына да зиян келтіреді. Ата-ананың үміті ақталмай, қоғамға пайда әкелетін азамат орнына өз өмірін құрдымға жіберген адамға айналады. Дана халқымыз «Бала – біздің болашағымыз» деп, баланы ұрпағының, тұтас елдің дамуының жалғасы деп біледі.Еліміздің ертеңі болар әрбір жас өрен жаман қылықтардан аулақ болып, салауатты өмір салтын ұстануы қажет. Жас досым! Сен ақшаңды жоғалтып алсаң, ештеңе жоғалтқан жоқсың. Егер уақытыңды жоғалтсаң, онда сен біраз нәрсені жоғалтқаның. Ал, денсаулығыңды жоғалтып алсаң, сен онда барлығыңды жоғалттың деген сөз. Олай болса, ойлан! Жаман әдетке бой алдырмайық!
#есірткігеқарсы #противнаркотиков

Айару Болатқызы,
№149 Ә.Монтаев атындағы
орта мектебінің оқушысы.
Жетекшісі: Күнімай Бекмырзақызы.
Шиелі ауданы