Қазіргі қоғамда есірткі мәселесі жастар арасында аса өзекті. Кейбір жасөспірімдер оны қызығушылықпен, ал кейбірі орта ықпалымен қолданып көреді. Алайда есірткі адамның денсаулығын әлсіретіп, ойлау қабілетін төмендетіп, мінез-құлқын өзгертіп, болашағын бұзады. Оған тәуелді болған жас оқудан, спорттан, армандардан алыстап, отбасына қиындық әкеледі.
Есірткінің соңы қылмысқа, ауруға, және өмірдің мәнін жоғалтуға апарады. Бір сәттік қызық үшін бүкіл ғұмырды құрбан ету ақылға сыймайды.
Сондықтан әрбір жас саналы таңдау жасауы қажет. Таза орта, пайдалы әдет, спорт, білім, еңбек және мақсат қана адамды жетістікке жетелейді. Біз есірткіге жоқ деп айтып, өмірді таңдай білуіміз керек. Дені сау ұрпақ бұл мықты мемлекеттің негізі. Болашағымыз өз қолымызда, оны бүгіннен қорғайық, таза өмір жолын таңдайық. Бұл шақыру әр жасқа арналады, себебі әрқайсымыздың таңдауымыз ертеңгі қоғамға әсер етеді. Жауапкершілік пен батылдық көрсетіп, есірткісіз өмірді бірге құрайық, болашақ ұрпаққа жақсы үлгі қалдырайық, арманға сеніп, еңбекпен алға қадам басайық, үмітті өшірмей, мақсатты нығайтайық, елге пайдалы азамат болайық деп үн қатамыз бәріміз бірге.
#есірткігеқарсы
#противнаркотиков

Кәусар Оспанбаева,
№44 орта мектептің оқушысы.
Сырдария ауданы