Алматыда көшеде орналасқан самса сататын дүңгіршектерге егеуқұйрықтардың шабуылы тағы да байқалды. Әлеуметтік желілерде жарияланған жаңа видеода кеміргіштің нан өнімдерінің үстінен еркін жүгіріп өткені анық көрінеді, деп хабарлайды qyrdan.kz

Бұған ұқсас жағдай осыған дейін, 22 тамызда да тіркелген. Ол кезде санитарлық қызмет өкілдері дүңгіршекті тексеріп, санитарлық талаптардың бұзылуына байланысты нысанды жабу туралы шешім қабылдаған болатын.

Алматы қалалық санитарлық-эпидемиологиялық бақылау департаменті тұрғындарға мұндай фактілерді байқаған жағдайда e-Otinish жүйесі арқылы жазбаша немесе электронды шағым жолдауға болатынын еске салды. Өтінішпен бірге фото немесе бейне дәлелдемелерді қоса беру қажет.