Арал ауданы бойынша 2025 жылға 11000 гектар игерілмей тұрған жер учаскелерін бекітілген жоспарға сәйкес мемлекет меншігіне  қайтару көзделген. Жоспарға сәйкес, қазіргі уақытта 11000 гектар көлемді құрайтын 8 шаруа қожалығының жер учаскесі мемлекеттің меншігіне қайтарылды.

– Айта кетейік, 2026 жылға облыстық әкімдіктен Арал ауданы бойынша       3 500 гектар мақсатына сай игерілмей тұрған шаруа қожалықтарының жер учаскесін қайтару жоспары берілді. Қазіргі таңда 2 шаруа қожалығының мақсатына сәйкес игермеген 1123 гектар жер учаскесі мемлекет меншігіне қайтарылды. Бұл жұмыс жыл соңына дейін жүргізілетін болады, – дейді аудандық ауыл шаруашылығы мен жер қатынастары бөлімінің басшысы Жәнібек Жұбанов.

Сондай-ақ, 2025 жылға арналған өз бетінше иеленіп алған жер учаскелерді анықтау жұмыстары жүргізілген. Арал ауданынан жалпы көлемі 39 231 шаршы метр 44 мемлекет меншігіндегі жер учаскелерін өз бетінше иелену фактілері анықталып, аудандық жұмысшы топпен акт жасалып, облыстық жер ресурстарын басқару департаменті арқылы әкімшілік шаралары қолданылды.

Әрине, жерді иеленіп, табыс табуға, кәдеге асырып, көркейтуге әбден болады. Десе де, заңнан аттамаған жөн. «Тәртіпке бағынғанның құл болмайтынын» батыр Бауыржан Момышұлы айтып кеткен.