Сырдария ауданының әкімі Берік Сәрменбаев Асқар Тоқмағанбетов ауылдық клубына барып, ғимараттың жай-күйі, мәдени іс-шараларды ұйымдастыру мүмкіндіктері және тұрғындарға көрсетілетін қызмет сапасын көрді.

Бүгінде ауылдық клубта сурет үйірмесі, хореография, әжелер ансамблі, көркемсөз үйірмесі, қолөнер үйірмесі, вокал, дәстүрлі ән бағыттар бойынша үйірмелер жұмыс жасайды. Аталған үйірмелерге барлығы 80 бала қамтылып, олар өнердің түрлі салалары бойынша білім алып, шығармашылық қабілеттерін жетілдіруде. Клубта балалар мен жасөспірімдер үшін барлық жағдай жасалған: заманауи құрал-жабдықтар, музыкалық аспаптар, көркемөнер материалдары мен үйірмелерге арналған арнайы кабинеттер жасақталған.

Аудан әкімі білім мен мәдениет саласының қоғамдағы маңызын атап өтіп, аталған саладағы жұмыстарды одан әрі жетілдіру қажеттігін айтты. Сонымен қатар, ауылдық клубтың инфрақұрылымын жақсарту және үйірмелердің тиімді жұмысын қамтамасыз ету мақсатында тиісті сала басшыларына нақты тапсырмалар жүктеді.