Қала аумағындағы көпқабатты тұрғын үйлердің жоғары қабаттарына ауыз судың қажетті қысыммен жеткізілуін қамтамасыз ету мақсатында “Қызылорда су жүйесі” МКК мамандары тексеру жұмыстарын жүргізуде.

Тексеру қаланың орталығы мен сол жағалау, Ақмешіт, Мерей, Шұғыла аудандарындағы көпқабатты тұрғын үйлерді қамтыды.

Барлық аумақтағы тұрғын үйлердің жоғары қабаттарына ауыз су қажетті деңгейде, яғни талапқа сай қысыммен жеткізілетіні белгілі болды.

Қазір қала бойынша 75 ұңғыма үздіксіз жұмыс істеп, тәулігіне 71,5 мың текше метр ауыз су берілуде. Ауыз су жүйелеріндегі орташа қысым 2,2–2,3 атмосфераға тең.