Клуб үйі жанынан құрылған үйірме мүшелері мен Сырдария аудандық Әуез мектебінің Қоғалыкөл филиалының оқушыларының қатысуымен мазмұнды әрі әсерлі жылдық қорытынды концерт өтті.
Концерттік бағдарлама барысында жас өнерпаздар ән айтып, домбыра шертіп, «Жауқасын» би тобының үлкен және кіші топтары көрермендерге тамаша би композицияларын ұсынды. Әрбір өнер көрсетілімінен балалардың бір жыл бойғы тынымсыз еңбегі мен шығармашылық ізденісі айқын байқалды.
Кеш соңында ауыл тұрғындары балаларға ризашылықтарын білдіріп, өнер жолында сәттілік пен толағай табыс тіледі. Көрермен көңілінен шыққан бұл кеш көпшілікке көтеріңкі көңіл күй сыйлады.