Есірткісіз өмір – әрбір адамның дені сау, саналы және бақытты болашығының кепілі. Есірткі тек бір адамның өмірін емес, тұтас қоғамның болашағын бұзады. Ол қылмыстың өсуіне, отбасының бұзылуына, жастардың білім мен еңбекке деген қызығушылығының төмендеуіне әкеледі. Ал, есірткіден аулақ болу өз өміріңе деген жауапкершілікті сезіну деген сөз.

Салауатты өмір салтын ұстанған адам өз мақсатын айқын қоя алады, білім алып, еңбек етіп, қоғамға пайдасын тигізеді. Спортпен шұғылдану, дұрыс тамақтану адамды рухани және физикалық тұрғыда шынықтырады. Мұндай өмір салты жас ұрпақтың болашағын нық етеді. Жастарға дұрыс тәрбие беру, салауатты өмір салтын насихаттау, спорт пен мәдениетке баулу-есірткінің алдын алудың тиімді жолдары. Отбасының, мектептің және қоғамның бірлескен әрекеті ғана оң нәтиже береді.

Әрбір азамат есірткіге қарсы ұстанымын берік қалыптастырып,айналасына үлгі бола білуі тиіс. Саналы таңдау, жауапкершілік және белсенді өмір салты арқылы ғана есірткісіз қоғам құра аламыз.

Жастар – елдің ертеңі. Сондықтан әрбір жас есірткінің зиянын түсініп,одан саналы түрде бас тартуы қажет. Есірткісіз өмірді таңдау-жарқын болашақты таңдау. Таза өмір сүрген адам ғана өз армандарына жетіп, толыққанды өмір сүре алады.

#есірткігеқарсы

Жанерке Асылбек,
Ш.Уәлиханов атындағы
№26 орта мектептің 10-сынып оқушысы.
Қармақшы ауданы