«Көкшоқы» бастауыш партия ұйымының ұйымдастыруымен «Бақытты отбасы» партиялық жобасы аясында 8 наурыз – Халықаралық әйелдер күні қарсаңында мерекелік шара ұйымдастырылды.

Іс-шараның негізгі мақсаты – қоғам мен отбасының берекесін арттыруда, елдің әлеуметтік-экономикалық дамуына үлес қосып жүрген әйел азаматтардың еңбегін насихаттау, сондай-ақ олардың қоғамдық өмірдегі белсенділігін арттыру.

Мерекелік жиын барысында бастауыш партия ұйымының төрағасы Гүлдана Жақыпова бірқатар нәзік жандыларға құрмет көрсетіліп, алғыс хаттар мен арнайы марапаттар табысталды. Өз кезегінде шараға қатысушылар әйелдердің қоғамдағы орны мен рөлінің ерекше екендігін атап өтіп, олардың отбасы құндылықтарын сақтаудағы, ұрпақ тәрбиесіндегі және қоғамдық жұмыстардағы белсенділігіне жоғары баға берді.

Сонымен қатар, іс-шара барысында қоғамдық жұмыстарға белсенді қатысып жүрген бірқатар қыз-келіншектер «AMANAT» партиясының қатарына салтанатты түрде қабылданды. Партия билеттері табысталып, жаңа мүшелерге ел игілігі жолында белсенді еңбек етуге сенім білдірілді.
Жиын соңында қатысушылар нәзік жандыларды көктемнің шуақты мерекесі – 8 наурыз Халықаралық әйелдер күнімен құттықтап, оларға зор денсаулық, отбасы амандығы мен еңбектеріне табыс тіледі. Мерекелік шара жылы жүздесу мен көтеріңкі көңіл-күй аясында өтті.