Қадірлі жерлестер!
Тәуелсіздік күні баршаңызға құтты болсын!
Бүгінгідей бейбіт күннің ұрпағы талайлы тарихта Тәуелсіздік үшін күрескен әрбір елжанды ата-баба, аға буын рухына тағзым етеді.
Бұл — оңайлықпен келмеген бақыт. Талай қан төгілді, талай жан алысып, жан беріскен сұрапыл кездер тарихқа айналды. Сол жолда құрбан болған елжандылар есімі жыл сайын осы күндері жанғырып, рухты іс-шараларға арқау болады.
Мемлекет басшысы Қасым-Жомарт Тоқаевтың «Тәуелсіздік бәрінен қымбат» деген саралы сөзі ұғынған ұрпаққа темірқазық.
Бүгінгі Қазақстан — әділеттік, тазалық, заң мен тәртіп жолын таңдаған ел. Сол жолда күш біріктіре алу әрбіріміз үшін сын әрі аса маңызды.
Тәуелсіздікті мығым ететін түлектердің өзі қазір отыз жастан асты. Ендігі жерде егемен елдің еңсесі биіктеп, мәртебесі арта береді.
Әрбір шаңыраққа құт-береке, табыс пен амандық тілейміз.
Тәуелсіздік күні тағы да құтты болсын!
Құрметпен,
Қуат Шарабидинов,
«Сыр бойы» газетінің бас редакторы, Қазақстан Журналистер одағы облыстық филиалының төрағасы.