Жасанды түсіктің бір жылдағы саны 75 мыңға жеткен. Бұл – шамамен Қызылорда облысындағы екі ауданның халқының санына тең. Осынша шақалақ өмірге келмей, жалғанның жарығын сезінбей, тұншыққан тағдырға айналуда. Денсаулық сақтау министрі Ақмарал Әлназарова мәлімдеген бұл ақпарат талайдың жағасын ұстатты.

– Бүгінгі таңда емханаларда халықтың әлеуметтік осал топтары үшін отбасыны жоспарлау құралдары бөлінеді. Сонымен қоса біз мұның жеткіліксіз екенін түсінеміз. Халықаралық тәжірибені зерттеп, халықтың репродуктивті денсаулығына қатысты халықаралық мамандарды тарттық. Бұл – барлық өркениетті елдер қолданатын тәсіл, – деді Ақмарал Әлназарова.

Қолда бар мәліметке жүгінсек, кейінгі бес жылдағы сандық деректерде жыл сайын 12 мың жасөспірім қыздың жүктілігі тіркеледі екен. Өткен жылы 1600 жасөспірім өмірге бала әкелсе, 257 қыз бала жүктілікті тоқтатқан.

«QYRDAN-ақпарат»