Ақмешіт атырабындағы Сырдария ауданында көркейту-көгалдандыру, абаттандыру жұмыстары қарқынды жүруде. Жалпыұлттық «Таза Қазақстан» экологиялық акциясы аясында сырдариялықтар аудан аумағында 2100 түп көшет отырғызды.
– Экологиялық акция аясында тал егу жұмыстарымен қатар тазалық шаралары да кең көлемде ұйымдастырылды. Ауданда өткен жаппай сенбілік барысында көшелер мен қоғамдық орындар қоқыстан тазартылып, көктемгі абаттандыру жұмыстары жүргізілді. Барша тұрғындарды ауданымыздың тазалығын сақтауға және игі бастамаларға белсене қатысуға шақырамыз, – дейді аудан әкімі Берік Сәрменбаев.