Қызылордада Ішкі істер органдарында қызмет бабында ерлікпен қаза тапқан, ІІ дәрежелі «Айбын» орденінің иегері, полиция аға лейтенанты Қозыбаев Талғат Есентайұлын еске алуға арналған кіші жасөспірімдер арасында қазақ күресінен республикалық турнир өткізілді.
Турнирдің ашылу салтанатына Қызылорда облысы Полиция департаментінің бастығы, полиция полковнигі Ергешов Серік Жүрсінбайұлы және Ішкі істер органдары ардагерлер кеңесінің төрағасы Шаймағанбетов Әмірбек Бердібекұлы арнайы қатысып, жарысқа жиналған жас спортшыларға сәттілік тіледі. Сонымен қатар, турнирдің жоғары деңгейде ұйымдастырылуына үлес қосқан жаттықтырушылар мен ұйымдастырушылар Алғыс хаттармен марапатталды.
Аталған спорттық іс-шара Сырдария ауданының Дене шынықтыру, спорт және туризм бөлімі тарапынан ұйымдастырылып, Қызылорда облысы ардагерлер кеңесі мен Сырдария ауданы полиция бөлімінің қолдауымен өтті.
Турнирдің басты мақсаты – жас ұрпаққа патриоттық тәрбие беру, ұлттық спортты насихаттау және батыр ерлердің ерлігін ұлықтау.