15 наурызда республикалық референдум өткізіледі.
Қызылорда облысында науқанға дайындық деңгейі қарқынды.
Аймақта 492524 дауыс беруші азамат тізімге енген.
Қазіргі таңда Қызылорда облысында 387 референдум комиссиясы бар. Оның ішінде 9-ы аумақтық, 378 учаскелік референдум комиссиялары. Онда 2705 комиссия мүшесі қызмет атқарады. Оның ішінде 2642-і учаскелік референдум комиссияларында қызмет атқарады.
— Бүгіннен бастап облыстағы барлық учаскелер өз жұмысын бастады. Комиссия мүшелері кезекшілікпен учаскеде қызмет жасайды. Бүгінгі учаскелерді жабдықтау жұмыстары жүйелі түрде жүргізілуде. Дауыс беру кабиналарын, жәшіктерін және тиісті журналдар мен қажеттіліктерді қамтамасыз етуде,-деді Қызылорда облысының аумақтық референдум комиссиясының төрағасы Әділбек Ерсұлтанов.

Орталық референдум комиссиясымен дайындалған медиа-жоспар шеңберінде барлық бұқаралық ақпарат құралдарында арнайы материалдар таратылуда.
Сонымен қатар телеарналарда, халық көп шоғырланған орындарда ЛЕД экрандар арқылы бейнероликтер көрсетілуде.