Қармақшы ауданы А.Жанпейісов атындағы №105 мектеп – лицейінің ұйымдастыруымен «Заң және тәртіп- қауіпсіз қоғамның тірегі» тақырыбында  «Әкелер Одағы» кеңесінің мүшелерімен аудандық семинар өткізілді. Семинарға Қармақшы аудандық прокуратурасының қызметкері Сәду Әділет, «Жастар денсаулық орталығының» маманы Кетебаева Әмина, Германия кеңес әскерлері тобы және Варшава келісім – шарт әскерлері тобы ардагерлері Республикалық қоғамының Қармақшы аудандық филиалы директоры Бұлақбаев Самат, аудандық  ата-аналар комитетінің төрағасы Әлиев Мағауия, Қармақшы аудандық полиция бөлімінің жергілікті полиция қызметінің полиция майоры Серіков Нұрбек, аудандық білім бөлімінің әдіскері Тоқшылықова Ақтолқын және мектепішілік ата-аналар комитетінің төрайымы Қазақбаева Көптілеу арнайы қатысты.

Іс-шараның мақсаты-қоғамдағы құқық бұзушылықтың алдын алу, жасөспірімдер мен балалар тәрбиесіне жауапкершілікті күшейту, балаларды патриоттыққа тәрбие беруде үлесімді тұлғаны қалыптастыруға бағытталған.

Семинар барысында «Әкелер Одағы» кеңесінің мүшелері топқа бөлініп, ұлттық құндылықтар қамшы есу дәстүрі туралы, «Шебер әке» сайысы кезеңдері бойынша белсенділікпен қатысып, кері байланыс жасап, өздерінің бала тәрбиесіндегі ой-пікірлерімен бөлісті. Осы ретте  «Адал азамат» біртұтас тәрбие  бағдарламасына сәйкес бала тәрбиесіне аса мән беріп, ұлттық құндылықтарды Отаншылдық, адалдық, адамгершілік, бірлік идеяларын ұстанатын шәкірттерді тәрбиелеуде  бірлесіп жұмыстарды жүзеге асыру жайлы тоқталып өтті. Мысалы білім беру ұйымындағы робототехника, қолданбалы өнер, үйірме жұмыстары, азаматтық патриоттық тәрбие беру, салауатты өмір салтын насихаттау бойынша жүргізілетін жұмыстардың үйлесімділігі мен нәтижелерін атап айтуға болады.

Сондай-ақ «Әкелер Одағы» кеңесінің мүшелері ой-пікірлерін жеткізіп, бейнероликтер көрсетіліп, жасөспірімдер арасында құқық бұзушылықтың алдын алу бойынша Әкелер қауымдастығының міндеттері мен отбасы тәрбиесіндегі әкенің рөлі жайлы талқылаулар өткізілді.

Кездесу соңын қорытындылаған А. Жанпейісов атындағы №105 мектеп – лицейінің директоры Раймов Нұржан Жақыпбекұлы бала тәрбиесінде бірлесіп атқарылатын жұмыстар жайлы пікірін білдіріп, арнайы қатысқан «Әкелер Одағы» кеңесінің мүшелеріне және сала қызметкерлеріне мектеп әкімшілігі атынан ризашылығын жеткізді.

Бүгінгі іс-шарада мектеп-лицейінің оқушылары мен Әкелер қауымдастығының бірлескен жұмыстарының нәтижелері көрініс тапты.

Айбол ҚОЗЫБАҚОВ,
№105 мектеп-лицейінің
директордың тәрбие ісі жөніндегі орынбасары.
Қармақшы ауданы