«Заң және тәртіп» идеологиясын ілгерілету және полиция имиджін арттыру мақсатында Қызылорда облысы Полиция департаменті Жылдам қимылдайтын арнайы жасағының қызметкерлері – полиция аға лейтенанттары Сақтағанов Еңбек пен Қабланбек Кемелбек «Жас ұрпаққа үлгі болар тұлғалар» тақырыбында кездесу өткізді.

Іс-шара Сырдария ауданы аумағындағы Т. Қозыбаев атындағы орта мектебі жанынан құрылған «Жас сақшы» полиция сыныбының оқушыларымен ұйымдастырылды.
Кездесу барысында құқық қорғау органдары қызметінің маңыздылығы, қоғамдағы заң мен тәртіпті сақтау міндеттері кеңінен түсіндірілді. Сонымен қатар мейірімділік, өзара қолдау мәдениеті, жастар арасында жанашырлық қасиеттерді қалыптастыру, айналасындағы азаматтарға қамқорлық пен көмек көрсету тақырыптарында мазмұнды сұқбат өрбіді.
Оқушылар құқық қорғау органдарының негізгі міндеттері, жастардың заңға бағыну мәдениетін қалыптастыру, патриоттық сезімді арттыру жолдары туралы сауалдарын қойып, сала мамандарынан өмірлік тәжірибеге негізделген нақты жауаптар алды.
Мұндай тағылымды кездесулер жас буынның құқықтық сауаттылығын арттыруға, заңға құрметпен қарауға тәрбиелеуге және ел қауіпсіздігін қамтамасыз етуде полиция қызметінің рөлін кеңінен насихаттауға бағытталған.