Кәсіпкерлік нысандарының көбейгені жақсы. Одан ел экономикасы қуат алады. Десе де, біреудің кәсібі халыққа кедергі болмауы керек. Елге қызмет қай кезде де жоғары деңгейде болуы шарт. Қармақшы ауданы әкімінің орынбасары Диас Молдабаев бастаған жұмысшы топ аудан аумағындағы кәсіпкерлік нысандарына мониторинг жүргізді.

Осы бағыттағы жұмыстар аясында аудан әкімінің тапсырмасымен аудан әкімінің орынбасары Диас Молдабаев, аудандық кәсіпкерлік және өнеркәсіп бөлімі, аудандық қоғамдық даму бөлімі мен Жосалы кенті әкімінің орынбасарымен арнайы жұмысшы топ құрылып, сауда дүкендері, көлік жуу орталықтары, гүл сату дүкендері мен қоғамдық тамақтану орындары және басқа да бірқатар кәсіпкерлік нысандарды аралап, жағдайға зерделеу жүргізді.

Кездесу барысында кәсіпкерлермен ашық сөйлесіп, тұрғындарға сапалы қызмет көрсету, санитарлық талаптарды сақтау, сондай-ақ заң талаптарының орындалуы мәселелерін толық талқылады. Сонымен қатар жарықтандыру бағытына ерекше назар аударылып, тұрғындар үшін түнгі мезгілде қауіпсіз орта қалыптастыру мақсатында тиісті түсіндіру жұмыстары қатар жүргізілді.

Жалпы ауданымыздың дамуына үлес қосып отырған бұл нысандардың тұрақты әрі сапалы жұмыс істеуі аудан әкімінің үнемі бақылауында.

Қармақшы ауданы әкімінің баспасөз қызметі