Қызылорда облысының Қармақшы ауданындағы тазалық жұмысы белсенді жүріп жатыр. Кейінгі бірнеше жыл ішінде аудан орталығы адам танымастай өзгерген. Экономикалық тұрғыдан да көшбасшылар қатарына шыққан Қармақшы тазалықта да тап-тұйнақтай жүйелі жұмысымен көрініп келеді. Таяуда аудан әкімі мекемелерді аралап, аулалардың таза болуын тапсырды.
Мемлекет басшысының бастамасымен жүзеге асқан «Таза Қазақстан» акциясы аясында елді мекендердің санитарлық тазалығын сақтау жұмыстары жүйелі жүргізілуде. Осы бастама аясында ауданымызда әр апта сайын сенбіліктер ұйымдастырылып, тазалық шаралары күнделікті жалғасын табуда. Бұл жұмыстарға мемлекеттік мекемелермен қатар тұрғындар да белсенді атсалысып, туған жердің тазалығына ортақ жауапкершілікпен қарап келеді.
Бүгінде көктем мезгілінің келуімен бұл бағыттағы қызметтің маңызы артып, мекемелердің сыртқы келбеті мен аумақтарының тазалығы тұрақты бақылауға алынған. Осыған орай бүгін аудан әкімі Жандос Еркінбек және аудандық мәслихат төрағасы Әділ Қошалақов Жосалы кентіндегі бірқатар әлеуметтік нысандарды аралап, санитарлық тазалық жұмыстарын бақылады.
Аралау барысында Д.Мырзағалиева және Меңей Батыр көшелеріндегі су ұңғымаларының жағдайы қаралып, олардың айналасының тазалығы мен техникалық жай-күйіне назар аударылды.
Сонымен қатар аудандық ветеринарлық станция, Қармақшы орман шаруашылығы және жануарлар дүниесін қорғау жөніндегі мекемесі, аудандық статистика бөлімі, пошта байланыс торабы, «Qazaq Gaz Aimaq» газ шаруашылығы мекемесі,«Сыр суы» филиалының өндірістік бөлімшелері мен «Азаматтарға арналған үкімет» мемлекеттік корпорациясының аудандық бөлімінде де тазалық пен абаттандыру жұмыстары бақылауға алынды.
Жандос Еркінбек әрбір мекеме аумақтарын таза ұстау, абаттандыру жұмыстарын жүйелі жүргізу бойынша тапсырмалар беріп, бұл бағыттағы жұмыстардың тұрақты жалғасатынын ескертті.
Осыған байланысты барша аудан тұрғындарын тазалықты сақтауға, туған жеріміздің көркеюіне бірге үлес қосуға шақырамыз. Таза орта – әрқайсымыздың ортақ жауапкершілігіміз!
Қармақшы ауданы әкімінің баспасөз қызметі