Аймақ басшысы Нұрлыбек Машбекұлы Нәлібаевтың бастамасымен Жаңақорған ауданы, Екпінді ауылында «Ауыл — ел бесігі» жобасы аясында 100 орындық мәдениет үйінің құрылысы жүруде.
Бүгінгі таңда бірінші және екінші қабаттарының сыртқы, ішкі қабырғаларын кірпішпен қалау жұмыстары толық аяқталды.
Аудан әкімі Мажит Самитов, аудандық мәслихат төрағасы Жарқынбек Ғалымжан құрылыс басына барып, жұмыс барысын қадағалады. Ауыл тұрғындарының көптен күткен әлеуметтік нысаны болғандықтан құрылыстың сапасы ұдайы бақылауда болатындығын жауаптыларға ескертті.
Айта кетейік, аталған құрылыс жұмыстар жыл соңына дейін аяқталып, пайдалануға беріледі деп күтілуде.