Жаман жолдастан жақсы дұшпан артық.

Заттың жаңасы жақсы, достың ескісі жақсы.

Досы көпті жау алмайды, ақылы көпті дау алмайды.

Дос жылатып айтар, дұшпан күлдіріп айтар.

Екі жақсы қосылса, өлгенінше дос болады; екі жаман қосылса, өлгенінше қас болады.

Дос — ажарың, жолдас — базарың.

Жақсымен жолдас болсаң – жетерсің мұратқа, жаманмен жолдас болсаң – қаларсың ұятқа.

Досың дос болғанға шаттан, дұшпанмен дос болудан сақтан.

Жаңа досың жаныңда болса, ескі досың есіңде болсын.

Айтулы достың малы бір, кемедегінің жаны бір.

Жүз теңге болғанша, жүз досың болсын.

Дос сыртыңнан мақтар, дұшпан көзіңе мақтар.

Тектімен достас, тексіз доспен қоштас.

Досына қан бер, Отанына жан бер.

Дос та дос, дұшпан да дос мал барында.