Жаман жолдастан жақсы дұшпан артық.

Дос жылатып айтар, дұшпан күлдіріп айтар.

Жүз теңге болғанша, жүз досың болсын.

Досы көпті жау алмайды, ақылы көпті дау алмайды.

Жақсымен жолдас болсаң – жетерсің мұратқа, жаманмен жолдас болсаң – қаларсың ұятқа.

Досың дос болғанға шаттан, дұшпанмен дос болудан сақтан.

Дос – ажарың, жолдас – базарың.

Тектімен достас, тексіз доспен қоштас.

Айтулы достың малы бір, кемедегінің жаны бір.

Жақсы дос жан азығы, жаман дос мал азығы.

Жаңа досың жаныңда болса, ескі досың есіңде болсын.

Дос сыртыңнан мақтар, дұшпан көзіңе мақтар.

Досына қан бер, Отанына жан бер.

Екі жақсы қосылса – өлгенінше дос, екі жаман қосылса – өлгенінше қас.

Дос та дос, дұшпан да дос – мал барында.