Досқа адалдық – рухқа адалдықпен бірдей.

Дос сыртыңнан мақтар, дұшпан көзіңе мақтар.

Дос жылатып айтады, дұшпан күлдіртіп айтады.

Жаман жолдастан жақсы дұшпан артық.

Айтулы достың малы бір, кемедегінің жаны бір.

Екі жақсы қосылса – өлгенінше дос болады, екі жаман қосылса – өлгенінше қас болады.

Ерегіскен ел болмайды, есептескен дос болмайды.

Достың табанына кірген тікен менің маңдайыма кірсін.

Мың дос көп, бір дос онан да көп.

Досыңа әзілді асырып айтсаң да, басынып айтпа.

Досы жоқпен – сырлас, досы көппен – сыйлас.

Досың дос болғанға шаттан, дұшпанмен дос болудан сақтан.

Екі жасты қосқанның сауабы бар, дос арасын ашқанның обалы бар.

Досты досқа қосқан – сауап, досты достан айырған – жауап.

Жаман достан мың сақтан.