Атасын сыйлағанның баласын сүй, иесін сыйлағанның итіне сүйек сал.

Үлкенге – құрмет, кішіге – ізет.

Жақсыға сыйласаң – басың өсер, жаманға сыйласаң – басың кетер.

Тіріде сыйласпаған өлгенде жыласпайды.

Ел сыйлаған есікте отырмас.

Жақсыға берсең асыңды, жақсы сыйлар басыңды; жаманға берсең асыңды, итке тастар басыңды.

Адам құрметіне бөленемін десең, өзің де құрметтей біл.

Сыйлап берсе – суын іш.

Атасын сыйласаң, баласын сүй.

Иесін сыйлағанның итіне сүйек таста.

Еңкейгенге еңкей, басың жерге тигенше; шалқайғанға шалқай, төбең көкке жеткенше.

Жақсы – сыйлағанының құлы, жаман – қорыққанының құлы.

Әркім сыйлағанының құлы.

Сыйластық бар жерде сыпайылық бар.

Ынтымақ оқ өтпес сауыт, татулық тамаша сауық.