Судың да сұрауы бар.

Қайнаған қара суда қасиет бар.

Сылдырсыз аққан судан без.

Алпыс күн тасыған су, алты күнде қайтар.

Ағын су арнасын табады.

Судың жолын құм бөгер, ердің жолын сұм бөгер.

Судың терең саязын ағысынан білерсің, аттың жақсы-жаманын шабысынан білерсің.

Судың түбін шым бекітеді, сөздің түбін шын бекітеді.

Су — ырыстың көзі, еңбек кірістің көзі.

Су патшасы — мұрап, түн патшасы — шырақ.

Ағын су бал татыр, ақ шабағы май татыр.

Ақпаса су бұзылады.

Тау мен тасты су бұзады, азаматты сөз бұзады.

Судың басы бұлақ болса, аяғы құяр теңізге.

Судың даусы – жердің әні.