Тай-құлындай тебісіп, қатар өскен үш құрдастың өмір аламанында есейген сәтте де қатар жүргені сирек құбылыс. Тіпті, бір мекемеде еңбек етіп жатса ше?! Ал сол мекемеден бірдей еңбегі бағаланып жатса, тіпті тамаша. «CAP Logistics» серіктестігінде жұмыс істейтін шиелілік үш құрдас: Нұрбек Ерікбайұлы, Нұржан Шәмшиев және Самат Есентаев «CAP Logistics – 20 жыл» мерекелік медалімен марапатталды.

– Мен бұл серіктестікте 2008 жылдан бері жұмыс істеймін. Қызметім – мыс қалаушы. Маңдайдан тер төгіп, табан етімді салып жүріп істеген еңбегіме берген басшылықтың бағасына қуаныштымын. Еңбегің еленсе, сый-құрметке ие болып жатсаң, бөркіңді аспанға атпағанда қайтесің?! Көңіл-күйім жоғары. Тіпті, жұмысыма құлшынысым артып отыр, – дейді Нұрбек Ерікбайұлы.

Мамандарға берілген марапат «серіктестіктің беделін арттыруға алға қойған мақсаттарын жүзеге асыруға қосқан үлесі үшін» деген құрметпен таңбаланған.

Марапат иелерін құттықтаймыз!