Екі қазақстандық азамат шетелдіктерге түскі ас кезінде қысым көрсетіп, «Қазақша білу керек қой» деп ескерту жасаған сәт түсірілген видео желіге тараған, деп хабарлады qyrdan.kz

Абай облысының полициясы оқиғаға қатысы бар екі адамды анықтап, оларды бөлімшеге жеткізді. Полиция мәліметінше, олардың бірі бұған дейін бірнеше рет бұзақылық және есірткі заттарын заңсыз сақтау фактілері бойынша, сондай-ақ 2022 жылғы сот үкімімен денсаулыққа ауыр зиян келтіргені үшін жауапқа тартылған. Қазіргі уақытта ол пробациялық бақылауда жүрген.

Сот екі азаматты әкімшілік жауапкершілікке тартты: олардың біріне 10 тәулікке әкімшілік қамау, екіншісіне – 20 АЕК көлемінде айыппұл салынды.

Оқиға әлеуметтік желілерде қызу талқыланып, көпшілік мұндай әрекеттерді қолдамайтындарын жасырмады. Құқық қорғау органдары тұрғындарды тыныштық сақтауға және заң талаптарын бұзбауға шақырды.

Қазіргі уақытта оқиғаның толық мән-жайы тергеліп жатыр.