Биыл Атыраудағы қоғамдық көліктер «Oñay» жүйесіне өтпек. Бүгінде қалалық жолаушылар көлігі және автомобиль жолдары бөлімі аталған компаниямен арада келіссөз жүргізуде.

Бүгінде қала аумағындағы мектептерде, колледждерде және жоғары оқу орындарының білім алушыларына «Oñay» картасын тегін беру мақсатында олардың деректері жиналуда.

«Oñay» валидаторлары қаладағы қоғамдық көліктердің барлығына орнатылады. Тиісінше, қала орталығында карта сату пункттері мен қызмет көрсету орталығын ашуды компания атқармақ.

«Oñay» мобильді қосымшасының артықшылығы, ол арқылы ата-аналар баласының мектепке жеткен-жетпегенін бақылап отыра алады. Қала қонақтары үшін қосымша ішінде қажетті маршруттар мен жүру бағыттары көрсетіледі. Сондай-ақ платформа арқылы жолақыны алдын ала төлеу мүмкіндігі бар, бұл ретте жолақы бағасы өзгермейді.