Шаһар басшысының тапсырмасына сәйкес, қала әкімінің орынбасары Арнұр Нұрмағанбетов арық жүйелерінің жай-күйіне, аяқ судың қалыпты берілуіне зерделеу жүргізді.
Аралау барысында Желтоқсан, Сағымбаев, Скатков көшелері мен Қызылжарма каналының санитарлық жағдайы және су өткізу қабілеті бақылауға алынып, жауапты мекемелерге тиісті тапсырмалар берілді.
Бүгінде қала аумағында жалпы ұзындығы 98,6 шақырымды құрайтын арық жүйесі бар. Оның басым бөлігіне аяқ су толық жеткізілген.
Арық жүйелеріне 12 аумақта орналасқан 19 насос қондырғысы арқылы су берілуде. Ал, Қызылжарма каналындағы қайта жаңғырту жұмыстарына байланысты жақын күндері насостар қосылып, тіршілік көзі жіберілетін болады. Сонымен қатар, «KazstroyCapital LTD Kyzylorda» ЖШС-мен бірлесіп, жерасты ұңғымалары арқылы су жеткізу жұмыстары атқарылуда.
«Қызылорда тазалығы» мекемесі тарапынан арық және канал жүйелерін тазалау, қалпына келтіру және аяқ сумен қамтамасыз ету жалғасуда