Экономика кез келген саланың алдында жүреді. Сырдария ауданының әкімі Берік Сәрменбаев аудан экономикасын нығайтуда инвестиция тартудың маңызы жоғары екенін айтты. Жыл басынан бергі тоғыз айда Сырдарияның әлеуметтік-экономикалық дамуында серпін бар.

– Жыл басынан қыркүйек айына дейінгі уақытта ауданның өнеркәсіп орындары қолданыстағы бағамен 77,3 млрд теңгенің өнімін өндірді, бұл өткен жылғы көрсеткіштен 78,4 пайызға жоғары. Оның ішінде өңдеу өнеркәсібі 11 млрд теңгеге жетсе, ауыл, орман және балық шаруашылығының жалпы өнімі көлемі 20,5 млрд теңгеге таяды. Осы тоғыз айда негізгі капиталға 52,3 млрд теңге инвестиция тартылды. Біз ауданға инвестиция тарту жұмыстарын күшейтуіміз қажет. Бұл аудан дамуына серпін береді, – деді Берік Әбдіғаппарұлы.

Оның айтуынша, жыл басынан бері мұнда 20,5 мың шаршы метр тұрғын үй салынып, 101,3 пайызға және құрылыс жұмыстарының көлемі 17,8 млрд теңгені құрап, 101,6 пайызға орындалған. Ал 1 қазанға дейінгі бөлшек сауда көлемі 2,3 млрд теңгеге жетіп, 100 пайыздық көрсеткішке қол жеткен.

«QYRDAN-ақпарат»