5 қыркүйек – Халықаралық қайырымдылық күніне орай Қызылорда облыстық жастар ресурстық орталығының ұйымдастыруымен «Талсуат» балаларды оңалту орталығында тәрбиеленіп жатқан балаларға арналған қайырымдылық іс-шарасы өтті.
Ізгілік пен мейірімділікті дәріптеуді мақсат еткен шара барысында жастар балаларға көтеріңкі көңіл-күй сыйлап, ерекше мерекелік атмосфера қалыптастырды.
Балғындарға аниматорлар қатысуымен түрлі қызықты ойындар ұйымдастырылып, көңілді бағдарламалар ұсынылды.
— «Баланың қуанышы – баршаға ортақ қуаныш. Әрбір бүлдіршіннің жүзінен күлкі көру – біз үшін үлкен бақыт. Балаларға жылулық сыйлау – баршамызға ортақ міндет, – деді ұйымдастырушылар.
Айта кету қажет, Қызылорда облыстық жастар ресурстық орталығы тарапынан әлеуметтік қолдауға бағытталған түрлі қайырымдылық және әлеуметтік жобалар тұрақты түрде ұйымдастырылып келеді.
Бір баланың жүзіндегі күлкі – үлкен қуаныш. Ал сол қуанышқа себепкер болу – үлкен жауапкершілік.

#ХалықаралықҚайырымдылықКүні
#Қызылорда