Ақтөбеде мектеп оқушысын зорлаған зейнеткер кінәлі деп танылып, 21 жылға бас бостандығынан айыру жазасы тағайындалды.

Айыпталушы 14 жастағы оқушы қыздың әжесінің күйеуі, яғни, оның туған атасы емес.

Сот айыпталушының Қылмыстық кодекстің 120-бабының 4-бөлігі (Кәмелетке толмағанды зорлау) және 124-бабының 3-бөлігі (16 жасқа толмаған адаммен жыныстық қатынас) бойынша қылмыс жасады деп таныды.

Судья  айыпталушыны Қылмыстық кодекстің 120-бабының 4-бөлігі бойынша кінәлі деп танылып, оған 20 жылға бас бостандығынан айыру жазасын тағайындады. Сондай-ақ зейнеткер 124-бабының 3-бөлігі бойынша кінәлі деп танылып, 12 жылға бас бостандығынан айыру жазасы тағайындалды. Баптардың жиынтығы бойынша түпкілікті жаза 21 жылға бас бостандығынан айыру болып белгіленді.

Айта кетейік, оқиға өткен жылдың күзінде болған. Оқушы қыздың жүкті болғаны оның бала босанған кезінде бір-ақ байқапты. Дегенмен, ол бұған дейін бірнеше мәрте дәрігерлік тексеруден өтіпті. Дәрігерлер жүктілік белгілерін анықтамаған. Бұған байланысты жеке тексеру жүргізілген.