6–7 желтоқсан күндері Астана қаласында, Л.Н. Гумилев атындағы Еуразия ұлттық университетінде Қазақстан Республикасы Мәдениет және ақпарат министрлігінің гранттық қаржыландыруы аясында, «Қазақстан студенттерінің Альянсы» республикалық студенттер қозғалысының 20 жылдығына орай, «Jas Power» азаматтық-патриоттық тәрбие беру жобасы шеңберінде ұйымдастырылған «Qazaq Battle: Толық адам» республикалық пікірсайыс турнирі сәтті аяқталды.
Турнир студент жастар арасында тарихи сананы нығайтуға, ұлттық бірегейлікті дәріптеуге және пікірсайыс мәдениетін дамытуға бағытталған зияткерлік алаң ретінде өтті. Сонымен қатар байқау заманауи дебат форматтары арқылы жастардың сыни ойлауын, шешендік шеберлігін және талдау қабілеттерін арттыруды мақсат етті.
Ауқымды додаға Атырау, Ақтау, Ақтөбе, Шымкент, Орал, Түркістан, Семей, Қызылорда, Қарағанды, Көкшетау, Жаңаөзен және Астана қалаларынан келген дебатшылар мен төрешілер қатысты. Жалпы 28 команда бақ сынап, өз білімін, логикалық ойлауын және шешендік өнерін ортаға салды.
Турнир нәтижелері:
- Үздік төреші– Өмірзақ Нұрдаулет
- Үздік жас спикер– Ізбан Азат (орта спикерлік ұпайы – 25)
- Үздік спикерлер– Алтынай Заманбекова, Нұртас Күздеубаев (орта ұпайы – 00)
Жастар финалы:
Финалға жолдама алған командалар:
АҮ — Win (Сұлтанбек Еркеназ, Мұхамеджанова Шырын)
АО — Дивергенты (Батырханұлы Дінмұхаммед, Қадырбек Камила)
ЖҮ — Pawn (Нұрғалиева Айнагүл, Бекзатұлы Бексұлтан)
ЖО — Gen Katharsis (Қалибекұлы Әлижан, Ізбан Азат)
Қызықты әрі тартысты финал нәтижесі бойынша Жастар финалының жеңімпаздары — Pawn командасы атанды.
Негізгі алаң жеңімпаздары:
I орын – Later
(Айдана Абдижанап, Бахытжанқызы Ақжан)
II орын – Даниил Медведев
(Алтынай Заманбекова, Дәулет Нүркен)
III орын – Ойланбаймыз
(Айтбаев Алихан, Сания Рисбекова)
Финалист:
Бүйтіп қыздармен араласпай-ақ қойдық
(Әлбар Керімхан, Әділет Желеубай)
Барлық жеңімпаздарды және турнирдің дамуына үлес қосқан қатысушыларды шын жүректен құттықтаймыз!
«Qazaq Battle: Толық адам» – жастардың интеллектуалды әлеуетін арттырып, пікірсайыс мәдениетін кеңінен насихаттауға бағытталған маңызды бастама. Турнир жас пікірсайысшылардың кәсіби өсуіне, тәжірибе алмасуына, жаңа идеялар мен серіктестік орнатуына мүмкіндік берді.
Жоба Қазақстан жастарының азаматтық белсенділігін арттырып, тарихи танымды тереңдетуге, ұлттық құндылықтарды ұлықтауға және білімді, ойлы жастарды қалыптастыруға үлес қосты.
