Уақытпен санаспай, күндіз-түні табан ет, маңдай терін салып жүрген коммуналдық сала қызметкерлері құрмет төріне шықты. Тұрғын үй-коммуналдық шаруашылық қызметкерлерінің кәсіби мерекесіне орай, Қызылорда қаласы әкімінің орынбасары Арнұр Нұрмағанбетов сала қызметкерлерін қабылдады.
Салтанат сән құрған жиында еңбеккерлерге қала әкімінің алғыс хаты табысталып, қала әкімінің орынбасары оларға сәттілік тіледі.
– Қарапайым еңбек адамына деген құрметті арттыру – елдіктің белгісі. Қандай қиын сәттерде де, ауа райының қолайсыз жағдайларында да, апаттық оқиғалар кезінде коммуналдық сала қызметкерлері әрдайым алдыңғы шепте жүреді. Сіздердің жауапкершілік жүгі зор жұмыстарыңызға сәттілік пен табыс тілеймін,– деді Арнұр Әлібекұлы.