Бүгін «Таза Қазақстан» жалпыұлттық экологиялық бағдарламасы аясында сенбілік жұмыстары ұйымдастырылды.

Сенбілікте көшелер мен аулалардың тазалығын сақтау, қоғамдық орындарды ретке келтіру, бей-берекет өскен шөптерді шабу және тұрмыстық қалдықтарды шығару жұмыстары жүргізілді.

Қала әкімі Нұржан Ахатов сенбіліктегі шараларды аралап, тазалық жұмыстарына жауапты мекеме басшыларына аумақтардың санитарлық жағдайын жақсарту, тазалықты тұрақты сақтау және абаттандыру жұмыстарын жүйелі жүргізу жөнінде тапсырмалар берді.

Жандос Абайұлы – қала тұрғыны. Ол бүгін көршілерімен бірге ауланы тазалап, сенбілік жұмыстарын атқарды. Әйтсе де, мұндай игі істің дағды болғанына қуанышты.

– Біз көршілермен бірігіп, айналаны таза ұстауға үйренгенбіз. Сол себепті, әріптестермен бірге, көршілермен бірге сенбілікке шығудан қашпаймыз. Әрине, біз де демалыс күндеріне біраз жұмысты жоспарлап қоюымыз мүмкін. Соның бәрін кейінге қалдырып, сенбілікке шыққаннан ұтылған тұсымыз жоқ. Елмен бірге еңбек етіп, айналаны тазартсақ, ол – өзіміз үшін. Қала таза болса, сол қалада өзіміз де тұратынымызды ұмытпайық, – дейді Жандос.

Бүгінде қала тұрғындарының әрбірі тазалықты серік еткен. Ауласын таза ұстаумен шектелмей, көгертіп, тал егіп жатқандары да қаншама.