Тұрғындар теміржол өткелін сұрады

Облыс әкімі Мұрат Ергешбаевтың Қармақшыға сапарында тұрғындар Жосалы кентіндегі теміржол өткелінің үстінен көпір салу мәселесін көтерді. Ғасыр жобасы деп айтуға тұрарлық іргелі жобада қозғалыс бар. Бүгінде жобаны іске асыру үшін республикалық бюджеттен 5 млрд 515 млн теңге бөлуге өтінім жолданып, қазіргі уақытта тиісті келісімшарт рәсімдеу жұмыстары жүргізілуде.

Мұрат Ергешбаев аудан әкімі Жандос Еркінбекпен бірге тұрғындарды жеке мәселелері бойынша қабылдады.  Халық баспана, денсаулық сақтау, білім беру, мал шаруашылығын дамыту, автомобиль жолдарын жөндеу, елді мекендерді газдандыру және басқа да әлеуметтік маңызы бар мәселелерді көтерді. Мұрат Нәлқожаұлы әрбір азаматтың өтінішін тыңдап, айтылған ұсыныстар мен мәселелер бойынша жауапты сала басшыларына тапсырмалар жүктеді.

Сондай-ақ Төретам кентіндегі көшелердің жол сапасына қатысты мәселе қозғалса, бұдан бөлек Тұрмағамбет және Алдашбай ахун ауылдарын газдандыру мәселесі де назарға алынды.

Жалпы қабылдау барысында 60-қа жуық аудан тұрғыны өздерінің ұсыныс-пікірлері мен сауалдарын жеткізді. Әрбір өтініш бақылауға алынып, тиісті жұмыстарды жүргізу міндеттелді.

«Qyrdan»—ақпарат

spot_img

ҰҚСАС ЖАЗБАЛАР

Ұқсас жазбалар